古怪的夢

唔知係咪近排趕工太勁, 最近D夢勁怪, 最慘只記得一成, 唔係超有趣. 早幾日有個夢, 好似Interstaller咁, 在一個古怪的空間研究緊時空問題, 突然解通左一D野(就係唔記得係乜)解決左空間問題, 個場就開始冧, 好似<<時光倒流70年>>咁, 好似畫家畫的黑洞旋渦咁空間塌縮, 一大支”光”, 直衝入我個腦, 好似MATRIX插電線咁, 之後醒左, 但頭暈頭痛左幾秒…

今朝個重神奇, 係少有的全英文夢, 但都只係記到一成, 場境係外國一D場合, 好似係Conference之類, 同場有Elon Musk 同瑞典環保少女鬥士, 佢地分別畀一大堆記者圍住. 我在試一D新的標榜環保的產品, 我去到一部標榜環保的噴墨PRINTER, 睇緊SPEC, 睇完後, 在試印, 印左一堆SAMPLE, 個瑞典環保少女鬥士一伙人, 就行到來部PRINTER, 好似代言咁, 講點環保之類, 之後睇到我印的SAMPLE, 就屌9我唔環保, 話印出來的白色唔夠白, 好浪費, 嘥野. 咁我就話, 白色的係張紙白唔係D墨, 張紙唔白係印唔到白, 之後我教書佬上身講三原色…..在我教書全程, 瑞典環保少女鬥士用西口西面對住我, 之後講左D野, 我回左D野之後, 我最尾記得呢句”I appreciate what you did to the world, you did a great job. But the fact is the fact. It is science.” 之後又好似MATRIX咁, 個場塌縮突然跳出醒左.