Memories Off -Innocent Fille- 及 Memories Off -Innocent Fille- for Dearest 後感

Memories Off系列, 本人算是老玩家. 那時應是中六七, 當時係美少女純愛遊戲的黃金年代. 亦係當年開始我會在買完老翻覺得好玩之後會買返正版來收藏的年代. 不過在KID社破產同時, 本人的生活亦同時有了很大的變化, 之後就少留意了ACG, 連ANIME都無心情睇. 當時最後玩的作品係去到<<~それから again~>>, <<encore>>(第5集)及之後的都沒有接觸過.

Image for post
Image for post

MO系列, 最印象深都係頭2集, 因為故事基本上同當年的純愛GAME故事不同, 同時期的純愛GAME係賣戀愛, 而MO系列係賣悲劇同賣醫病. "雨幾時停" 係名言, 基本上整個系列的軸心. 第一集我中意的結局, 係彩花升天的結局, 我覺得主人公這樣才是真正走出陰霾, 重新面對人生, 雖然好多人覺得這個係BAD ENDING. 而第二集個主人公, 係我至今最憎的角色. 因為第二集故事一開始已經有第一女主角螢做他女朋友, 重要同埋居, 亦因為他ON9, 之後做的每個決定, 都會傷到裡面任何一個女角......

至於為何無端端會去玩MO8 (Memories Off -Innocent Fille-), 主因係因為早前聲優 仲西 環(MO二代飛世 巴的配音)魂歸天國, 在網上找歌曲緬懷的同時, 無意中發現原來MO系列出了最終作<<-Innocent Fille->>及其後傳<<-Innocent Fille- for Dearest>>. 於是在PS4 STORE找找, 之後買了回來.

在玩這個作品期間, 可能人老了, 感觸良多. 萬年第一配角 稻穗 信, 今集在開CAFE, 雖人設是27歲, 但感覺已成個中年大叔, 而一代的女角都出來擔任一定角色, 幫助主人公. 本人廿年前接觸MO系列, 今日都37歲, 同金田一都要出37歲中年事件簿一樣, 對比到今日仍不知自己在做什麼, 感覺自己超廢, 不勝唏噓. 以及人大個左, 睇野的角度不同左, 亦可能因為MO8係最後一集, 寫故事的人寫得純熟多, 多了一些不同角度去寫故事同刻劃人物.

在走畢<<-Innocent Fille->>及其外傳後, 這2個作品, 至今為止的最中意的MO作品. 不同路線的故事,都比舊作完整同立體, 不同角色之間的互動不少, 而且有時會FADE入其他角色作第一身講述其心路歷程, 令人能更深刻地記得個故事. 而TRUE END (隱藏女主角)的伏線真係一流, 在OP前已經需要選擇. 而且TRUE END故事的發展, 不是一般的戀愛GAME, 而係變成金田一系列, 故事真係超展開.

女角色今次設定我覺幾好. 尤其我幾中意ノエル個性格, 雖然現實世界係不存在就是了. 寿奈桜的角色, 其實不差, 行其主線可以見到其內心好可愛, 不過因為內心空虛要裝而比較煩. 而柚莉同琴莉的角色, 因為主線故事同醫病的關係, 反而不是太突出, 要去到後傳, 才有更深刻的描繪. 而瑞羽個角色, 係真係估你唔到. 我最初玩ノエル都覺得怪, 為何瑞羽作為配角, 關心主角得太過. 點知原來係主線……

<<-Innocent Fille->>完結, 會有一種失落的感覺, 而在後傳<<-Innocent Fille- for Dearest>>, 就返回純愛故事, 講<<-Innocent Fille->>不同角色ENDING之後的故事, 去彌補那種失落的感覺.

總括來講, 我部PS4終於有隻整得我收藏的GAME.

Backend Software and System Engineer. Free software enthusiast. Internet Freedom supporter

Get the Medium app

A button that says 'Download on the App Store', and if clicked it will lead you to the iOS App store
A button that says 'Get it on, Google Play', and if clicked it will lead you to the Google Play store